John 1
ព្រះយេស៊ូជាព្រះបន្ទូលអស់កល្បជានិច្ច
1កាលពីដើមដំបូងមានព្រះបន្ទូលព្រះបន្ទូលគង់នៅជាមួយព្រះជាម្ចាស់ហើយព្រះបន្ទូលជាព្រះជាម្ចាស់។ 2ព្រះបន្ទូលបានគង់នៅជាមួយព្រះជាម្ចាស់តាំងពីដើមដំបូងមក 3គ្រប់របស់ទាំងអស់បានកើតមកដោយសារព្រះបន្ទូលហើយក្នុងបណ្ដារបស់ដែលបានកើតមកទាំងឡាយបើគ្មានព្រះបន្ទូលទេគ្មានរបស់ណាមួយកើតមកឡើយ 4ដ្បិតនៅក្នុងព្រះបន្ទូលមានជីវិតហើយជីវិតនោះជាពន្លឺដល់មនុស្សលោក 5ពន្លឺនោះបានភ្លឺក្នុងសេចក្ដីងងឹតហើយសេចក្ដីងងឹតមិនឈ្នះពន្លឺឡើយ។ 6មានមនុស្សម្នាក់ដែលព្រះជាម្ចាស់បានចាត់ឲ្យមកឈ្មោះយ៉ូហាន 7គាត់បានមកជាសាក្សីដើម្បីធ្វើបន្ទាល់អំពីពន្លឺនិងឲ្យមនុស្សទាំងអស់បានជឿដោយសារគាត់ 8ប៉ុន្ដែគាត់មិនមែនជាពន្លឺទេគឺគាត់ធ្វើបន្ទាល់អំពីពន្លឺ។ 9ព្រះអង្គដែលជាពន្លឺពិតប្រាកដបានយាងមកក្នុងពិភពលោកដើម្បីបំភ្លឺមនុស្សទាំងអស់។ 10ព្រះអង្គបានគង់នៅក្នុងពិភពលោកហើយពិភពលោកបានកើតមកដោយសារព្រះអង្គប៉ុន្ដែពិភពលោកមិនស្គាល់ព្រះអង្គទេ។ 11ព្រះអង្គបានយាងមកផែនដីរបស់ព្រះអង្គប៉ុន្ដែប្រជារាស្រ្ដរបស់ព្រះអង្គមិនបានទទួលព្រះអង្គឡើយ 12រីឯអស់អ្នកដែលបានទទួលព្រះអង្គគឺអស់អ្នកដែលជឿលើព្រះនាមរបស់ព្រះអង្គព្រះអង្គបានប្រទានសិទ្ធិដល់ពួកគេឲ្យត្រលប់ជាកូនរបស់ព្រះជាម្ចាស់ 13គឺជាកូនដែលមិនមែនកើតមកពីឈាមឬពីប្រាថ្នាខាងរូបសាច់ឬពីចំណង់របស់មនុស្សឡើយគឺកើតពីព្រះជាម្ចាស់វិញ។ 14ព្រះបន្ទូលបានត្រលប់ជាសាច់ឈាមគង់នៅក្នុងចំណោមយើងហើយយើងបានឃើញសិរីរុងរឿងរបស់ព្រះអង្គដែលជាសិរីរុងរឿងនៃព្រះរាជបុត្រាតែមួយគត់មកពីព្រះវរបិតាដែលពេញដោយព្រះគុណនិងសេចក្ដីពិត។ 15លោកយ៉ូហានបានធ្វើបន្ទាល់អំពីព្រះអង្គទាំងប្រកាសថា៖ «គឺព្រះអង្គនេះហើយដែលខ្ញុំបានប្រាប់ថាជាព្រះមួយអង្គដែលយាងមកក្រោយខ្ញុំត្រលប់ជាមុនខ្ញុំព្រោះព្រះអង្គគង់នៅមុនខ្ញុំ»។ 16យើងទាំងអស់គ្នាបានទទួលពីសេចក្ដីពោរពេញរបស់ព្រះអង្គដែលជាព្រះគុណថែមលើព្រះគុណ 17ដ្បិតគម្ពីរវិន័យបានប្រទានមកតាមរយៈលោកម៉ូសេរីឯព្រះគុណនិងសេចក្ដីពិតមកតាមរយៈព្រះយេស៊ូគ្រិស្ដ 18គ្មានអ្នកណាធ្លាប់ឃើញព្រះជាម្ចាស់ទេមានតែព្រះរាជបុត្រាតែមួយរបស់ព្រះជាម្ចាស់ប៉ុណ្ណោះដែលនៅនឹងព្រះឧិរារបស់ព្រះវរបិតាគឺព្រះរាជបុត្រានោះហើយបានសំដែងឲ្យស្គាល់ព្រះជាម្ចាស់។លោកយ៉ូហានធ្វើបន្ទាល់
19កាលពួកជនជាតិយូដាបានចាត់ពួកសង្ឃនិងពួកលេវីពីក្រុងយេរូសាឡិមឲ្យមកសួរលោកយ៉ូហានថា៖ «តើអ្នកជានរណា?» គាត់បានធ្វើបន្ទាល់ដូចតទៅ 20គឺគាត់បានប្រកាសដោយមិនបដិសេធគឺប្រកាសថា៖ «ខ្ញុំមិនមែនជាព្រះគ្រិស្ដទេ» 21នោះពួកគេសួរគាត់ថា៖ «ដូច្នេះតើអ្នកជានរណា? តើអ្នកជាអេលីយ៉ាឬ?» គាត់ឆ្លើយថា៖ «មិនមែនខ្ញុំទេ!» ពួកគេសួរទៀតថា៖ «តើអ្នកជាអ្នកនាំព្រះបន្ទូលឬ?» គាត់ក៏ឆ្លើយថា៖ «ទេ!» 22ដូច្នេះពួកគេក៏សួរទៀតថា៖ «តើអ្នកជានរណា? តើអ្នកថាខ្លួនអ្នកជានរណា? ដើម្បីឲ្យយើងអាចមានចម្លើយសម្រាប់ពួកអ្នកដែលចាត់យើងឲ្យមក» 23គាត់ឆ្លើយថា៖ «ខ្ញុំជាសំឡេងមួយកំពុងស្រែកនៅទីរហោឋានថាចូរតម្រង់ផ្លូវរបស់ព្រះអម្ចាស់ដូចដែលលោកអេសាយជាអ្នកនាំព្រះបន្ធូលបានថ្លែងទុក»។ 24ពួកអ្នកដែលគេបានចាត់ឲ្យមកនេះពួកគេមកពីខាងគណៈផារិស៊ី 25ហើយពួកគេសួរគាត់ម្ដងទៀតថា៖ «បើអ្នកមិនមែនជាព្រះគ្រិស្ដឬលោកអេលីយ៉ាឬអ្នកនាំព្រះបន្ទូលទេហេតុអ្វីបានជាអ្នកធ្វើពិធីជ្រមុជទឹកដូច្នេះ?» 26លោកយ៉ូហានឆ្លើយទៅពួកគេថា៖ «ខ្ញុំធ្វើពីធីជ្រមុជដោយទឹកប៉ុន្តែមានព្រះមួយអង្គនៅក្នុងចំណោមអ្នករាល់គ្នាដែលអ្នករាល់គ្នាមិនស្គាល់ 27ព្រះអង្គយាងមកក្រោយខ្ញុំហើយខ្ញុំមិនស័ក្តិសមនឹងស្រាយខ្សែស្បែកជើងឲ្យព្រះអង្គផង»។ 28ហេតុការណ៍ទាំងនេះបានកើតឡើងក្នុងក្រុងបេថានីនៅត្រើយម្ខាងនៃអូរយ័រដាន់ជាកន្លែងដែលលោកយ៉ូហានកំពុងធ្វើពិធីជ្រមុជទឹក។ព្រះយេស៊ូជាកូនចៀមរបស់ព្រះជាម្ចាស់
29ថ្ងៃបន្ទាប់មកលោកយ៉ូហានបានឃើញព្រះយេស៊ូយាងមកឯគាត់នោះគាត់និយាយថា៖ «មើល៍នោះជាកូនចៀមរបស់ព្រះជាម្ចាស់ដែលដកយកបាបរបស់មនុស្សលោក 30គឺព្រះអង្គនេះហើយដែលខ្ញុំប្រាប់ថាជាព្រះមួយអង្គដែលយាងមកក្រោយខ្ញុំហើយត្រលប់ជាមុនខ្ញុំដ្បិតព្រះអង្គបានគង់នៅមុនខ្ញុំ។ 31ខ្ញុំមិនបានស្គាល់ព្រះអង្គទេដូច្នេះបានជាខ្ញុំធ្វើពិធីជ្រមុជដោយទឹកដើម្បីឲ្យអ៊ីស្រាអែលស្គាល់ព្រះអង្គ»។ 32លោកយ៉ូហានបានធ្វើបន្ទាល់ថា៖ «ខ្ញុំបានឃើញព្រះវិញ្ញាណយាងចុះពីស្ថានសួគ៌ដូចជាសត្វព្រាបមកសណ្ឋិតលើព្រះអង្គ 33ខ្ញុំមិនបានស្គាល់ព្រះអង្គទេប៉ុន្តែព្រះអង្គដែលចាត់ខ្ញុំឲ្យមកធ្វើពិធីជ្រមុជដោយទឹកបានមានបន្ទូលប្រាប់ខ្ញុំថា៖ «ពេលអ្នកឃើញព្រះវិញ្ញាណយាងចុះមកសណ្ឋិតលើអ្នកណាគឺអ្នកនោះហើយដែលធ្វើពិធីជ្រមុជដោយព្រះវិញ្ញាណបរិសុទ្ធ។ 34ដូច្នេះខ្ញុំបានឃើញហើយបានជាខ្ញុំធ្វើបន្ទាល់ថាគឺព្រះអង្គនេះហើយជាព្រះរាជបុត្រារបស់ព្រះជាម្ចាស់»។ព្រះយេស៊ូត្រាស់ហៅពួកសិស្សដំបូង
35នៅថ្ងៃបន្ទាប់មកលោកយ៉ូហានបានឈរម្ដងទៀតជាមួយសិស្សរបស់គាត់ពីរនាក់ 36គាត់មើលឃើញព្រះយេស៊ូកំពុងយាងកាត់ទីនោះគាត់ក៏និយាយថា៖ «មើល៍នោះជាកូនចៀមរបស់ព្រះជាម្ចាស់»។ 37ពេលសិស្សទាំងពីររបស់គាត់ឮគាត់និយាយដូច្នេះពួកគេក៏ដើរតាមព្រះយេស៊ូទៅ។ 38ពេលព្រះយេស៊ូងាកមកឃើញអ្នកទាំងពីរនោះកំពុងដើរតាមព្រះអង្គដូច្នេះក៏មានបន្ទូលទៅពួកគេថា៖ «តើពួកអ្នកមករកអ្វី?» ពួកគេទូលទៅព្រះអង្គថា៖ «រ៉ាប់ប៊ី! (ដែលប្រែថាលោកគ្រូ)តើលោកស្នាក់នៅកន្លែងណា?» 39ព្រះអង្គមានបន្ទូលទៅពួកគេថា៖ «មកមើលចុះ!» ដូច្នេះពួកគេក៏ទៅហើយឃើញកន្លែងដែលព្រះអង្គគង់នៅរួចបានស្នាក់នៅជាមួយព្រះអង្គនៅថ្ងៃនោះព្រោះពេលនោះម៉ោងប្រហែលបួនរសៀលហើយ។ 40ក្នុងចំណោមសិស្សទាំងពីរនាក់ដែលបានឮលោកយ៉ូហាននិយាយហើយបានដើរតាមព្រះអង្គនោះមានម្នាក់ឈ្មោះអនទ្រេជាប្អូនរបស់លោកស៊ីម៉ូនពេត្រុស។ 41លោកអនទ្រេបានទៅជួបលោកស៊ីម៉ូនជាបងប្រុសរបស់គាត់មុនគេហើយប្រាប់ថា៖ «យើងបានជួបព្រះមែស៊ីហើយ!» (ដែលប្រែថាព្រះគ្រិស្ដ)។ 42គាត់ក៏នាំលោកស៊ីម៉ូនទៅឯព្រះយេស៊ូកាលព្រះយេស៊ូឃើញលោកស៊ីម៉ូនក៏មានបន្ទូលថា៖ «អ្នកឈ្មោះស៊ីម៉ូនជាកូនយ៉ូហានអ្នកនឹងត្រូវគេហៅថាកេផាស» (ដែលប្រែថាពេត្រុស)។ 43ថ្ងៃបន្ទាប់មកព្រះយេស៊ូចង់ទៅស្រុកកាលីឡេហើយព្រះអង្គបានជួបលោកភីលីពក៏មានបន្ទូលទៅគាត់ថា៖ «ចូរមកតាមខ្ញុំ»។ 44លោកភីលីពនេះមកពីក្រុងបេតសៃដាដែលលោកអនទ្រេនិងលោកពេត្រុសនៅក្រុងនោះដែរ។ 45លោកភីលីពបានទៅជួបលោកណាថាណែលហើយប្រាប់គាត់ថា៖ «យើងបានជួបព្រះអង្គដែលលោកម៉ូសេនិងពួកអ្នកនាំព្រះបន្ទូលបានចែងទុកនៅក្នុងគម្ពីរវិន័យហើយគឺព្រះយេស៊ូជាអ្នកក្រុងណាសារ៉ែតត្រូវជាកូនរបស់លោកយ៉ូសែប»។ 46ពេលនោះលោកណាថាណែលក៏សួរគាត់ថា៖ «តើមានអ្វីដែលល្អអាចចេញពីក្រុងណាសារ៉ែតបានដែរឬ?» លោកភីលីពឆ្លើយថា៖ «ចូរមកមើលចុះ»។ 47ពេលព្រះយេស៊ូឃើញលោកណាថាណែលមកឯព្រះអង្គក៏មានបន្ទូលអំពីគាត់ថា៖ «មើល៍នោះជាជនជាតិអ៊ីស្រាអែលពិតប្រាកដដែលគ្មានឧបាយកលសោះ»។ 48លោកណាថាណែលទូលសួរព្រះអង្គថា៖ «តើលោកស្គាល់ខ្ញុំយ៉ាងដូចម្ដេច?» ព្រះយេស៊ូឆ្លើយថា៖ «មុនពេលភីលីពហៅអ្នកខ្ញុំបានឃើញអ្នកនៅក្រោមដើមល្វារួចទៅហើយ»។ 49លោកណាថាណែលក៏ទូលព្រះអង្គថា៖ «លោកគ្រូ! លោកជាព្រះរាជបុត្រារបស់ព្រះជាម្ចាស់និងជាស្ដេចរបស់អ៊ីស្រាអែលមែនហើយ»។ 50ព្រះយេស៊ូមានបន្ទូលទៅគាត់ថា៖ «តើអ្នកជឿដោយសារតែខ្ញុំប្រាប់អ្នកថាខ្ញុំបានឃើញអ្នកនៅក្រោមដើមល្វាឬ? អ្នកនឹងឃើញការអស្ចារ្យជាងនេះទៀត» 51រួចព្រះអង្គមានបន្ទូលទៅគាត់ទៀតថា៖ «ខ្ញុំប្រាប់អ្នករាល់គ្នាជាពិតប្រាកដថាអ្នករាល់គ្នានឹងឃើញមេឃបើកចំហហើយពួកទេវតារបស់ព្រះជាម្ចាស់ចុះឡើងៗពីលើកូនមនុស្ស»។
Copyright information for
KhmKCB